موّال اهل الغدر والبوق

هذا الزمن كلّه غدر واهل الطيب قَلوا

مات الوفا واهل الصفا  من الجور ملّوا

أهل الرذيلة سُوّدوا ومع الأيام ضلّوا

ما يوم عملوا خير ,لا صاموا ولا صلّوا

واهل الطيب تمرمروا وما يوم ذلّوا

غدو ندره بها الزمن واهل الغدر حلّوا

وتحكّم الأوباش بالأخيار لأنهم ما انحلّوا

واستأسد الجرذان وسيف الظلم عالناس سلّوا

وصارت الناس قيس ويمن والأحرار فَلّوا

واللي بقوا عل العهد من الإفساد بنعلّوا

شوفوا المحبه انتست وكثير بالوعد خلّوا

والحب لعب وغدر وعلى الأطياب بنغلّوا

زاد الفقرببلادنا وعمْ الظلم,والمردان طلّوا

صار الطرب غاية الأجيال, وبالقيثار بتسلّوا

والوفي والمنتمي محروم إنْ بالوطن ظلّوا

قلبي عليل من الأسى والصار, يا ثوّار هِلّوا

يا حيف عَربْ واسلامْ عن الإبمان يتخلّوا

والقتل صار موظات ومن الهويه بندلّوا

والدم سايل للركب شوف الذوايب انبلّوا

واهل العقل والشور حاروا وبكوا وانغلّوا

كيري بلعب بالمسلمين كوره  وانشلوا

وزاد الفتن ما بينهم والمخبول ولّوا

والنواب للضيقات, يا ريت ما شُفنا ولا طلّوا

والعرب زادت دولهم ورغم الكثره قد ولّوا

ساد اليهود واتغطرسوا, يا حيف العرب ذلّوا

بستعطفوا اسرائيل يبقوا وتنجدهم إذا فُلّوا

رغم سوء الحال بديارنا الغرب عنّا ما حَلّوا

يا رب أنت العليم بحالنا ,اجعل الاخيار بتولّوا

************

11/12/2014