مغناة الأردن الغالي
شوف الأردن محلاها = شو بتسوى الدنيا بلاها
عيشة أُلْفه ومحبّه = كلّ العالم بتمناها
-------
فيها إربد في الشمال = رمز الوفا والجمال
والمفرق فيها أصاله = والكوره مهد الأبطال
------
ماتنسى وادي الريان = خِلْته قطعه من الجِنان
والشونه شمال وجنوب = وبيسْعَدْ فيها الإنسان
------
والبوادي والإجفور = مادبا تجاور ناعور
ملكا وكتم والصريح = والسلط بتشرف عالغور
------
وادي السير والحمرا = والحصن ليله قمرا
لما بتوصل الكفارات = قطعه من الجنّه خضرا
------
برقش شمال الحاوي = وبيت ايدس والزحراوي
الرمثا والوسطيّه = بِعْشَقها شو أساوي
------
أما الزرقا والبلقا = أحلا منها مابتلقى
تبدو العيشه هنيّه = أصفى من الميّه وأنقى
------
عمّان تاج الحضاره = بالعزّه والنضاره
لما بتتجوّل فيها = بتعرف انها جبّاره
------
أما عن دنيا الآثار = جرشْ والقلعهْ مزار
والبترا عَظَمَهْ وبنيان = مامنها بكلّ الأقطار
------
والعقبه منظر خلاّب = والبحر الأحمر جذّاب
لما بتشوف المرجان = بتتمنى تلقى الأحباب
------
كفرنجه فيها همّه = وعنجرا بأعلى قمّه
والكرامهْ بُطُولهْ = مافيها صاحب رِمّهْ
------
غور الأردن فيه أصحاب = أبو عْبيده وناسْ اطياب
ما أجملْ البيارات = يطفحْ بالخير وخَصَاب
------
والطفيلهْ وأهلْ معان = والكركْ وام الحيرانْ
جنوب الأردن نشاما = اللهْ أعْلَمْ شو شجعان
------
والحمّامات بماعين = وغور الصافي مع نمرين
وادي رمْ أعجوبه = زوّاره بالملايين
-------
اللّه أكبر يا ناس = حب بلادي تاج الراس
كلّه تقوى ومحبّه = وصِدْق الوفا والإحساس
------
بالإردنْ أنا مفتون = وهايم بحبه بجنون
وأحلا ماشافت عيني = بالأردن جبل عجلون
------
بالإردنْ أنا مفتون = وهايم بحبه بجنون
وأحلا ماشافت عيني = بالأردن جبل عجلون
------
8/8/2013
